ट्रक आपसमा ठोक्किँदा दुई जनाको मृत्यु

झापाको शिवसताक्षीमा दुईवटा ट्रक जुध्दा दुईजनाको मृत्यु भएको छ।

पूर्वपश्चिम राजमार्गअन्तर्गत झापाको शिवसताक्षी नगरपालिका-१, धरमपुरमा शुक्रबार बिहान ट्रक ठोक्किँदा २ जनाको मृत्यु भएको प्रदेश १ ट्राफिक प्रहरी कार्यालय इटहरीले जनाएको छ।

ट्राफिकका अनुसार ना. ३ ख ८३११ नम्बरका चालक मदन चौधरी र सोही ट्रकका सह चालकको मृत्यु भएको हो। सहचालकको नाम खुलेको छैन।

पश्चिमबाट पूर्व जाँदै गरेको ना. ६ ख ८८९५ नम्बरको ट्रकलाई पछाडिबाट जाँदै गरेको ना. ३ ख ८३११ नम्बरको ट्रकले ठक्कर दिएको प्रहरीको भनाइ छ।